O Pombal vibra coa XX edición da Carreira Escolar do Salnés.

E xa van aló nada máis nin nada menos que 20 anos de carreira do Salnés. O histórico certame que organiza dende hai dúas décadas o Colexio Abrente de Portonovo sito no Pombal reuniu esta mañá a preto de 1000 escolares procedentes dos colexios da comarca e incluso doutras partes da provincia.

A estrada estivo pechada ó tráfico.

Rapaces e maiores sumáronse

 na festa deportiva por excelencia

 de todo o Salnés, unha cita que se  foi consolidando nos calendarios de eventos deportivos dos diferentes centros educativos salnesianos.  O longo deste tempo xeracións de estudantes

 participaron coma hoxe ano tras ano nesta carreira. 

Os máis novos hoxe tómanlle o relevo ós veteráns de anos atrás.

O firme compromiso do colexio organizador co deporte en galego é o mellor aval que este evento pode ter, e xunto coa paixón e as ganas necesarias por parte dos profesores e profesoras de Educación Física poñen o resto.

Mozos e mozas en pleno quencemento antes de dar comezo á carreira.

Dende a categoria aficcionado ata as inferiores foron pasando polo podium.

Quentar e pasalo ben tamén con aerobic e música.

Unha gran cita deportiva que maio tras maio festexa correndo a chegada da primavera. 
Esta mañá o sol radiante nun espléndido ceo azúl  xunto co verde intenso das hortas que rodean o recinto escolar e o aire limpo e algo fresco que se respiraba animou e axudou ós corredores a chegar á meta.

O percorrido transcorreu a través da estrada da saída do colexio cara o cruce coa estrada xeral torcendo cara a esquerda dirección Adina, para virar de novo á dereita e subir polo camiño de Poleiros ate chegar ó parque de Adina e coller de novo a estrada xeral baixando cara Portonovo, logo baixar a costa ate a chegada ó cruceiro de Barbeito e xiro á dereita para subir o camiño (de Barbeito)  que conduce de novo ó colexio.
Protección Civil, Policia Local e un dispositivo de coches vasoira do colexio traballaron arreo na seguridade do evento que colaboraron para que non houbese o menor problema e así transcorreu a carreira sen ningún accidente importante.

Rapaz facendo os estiramentos pertinentes.

Nesta edición un bo número de colexios participaron na proba:  Santiago Apostol de Arcade (Soutomaior), San Francisco e Sagrada Familia de Vilagarcía, ,  San Roque, CEIP A Florida,CEIP Portonovo, CEIP Coirón Dena, CEIP VAlle Inclán de O Grove, CEIP Viñagrande Deiro,CEIP Noalla Telleiro San Bartolomeu e Xulio Camba de Vilanova, CPI Julia Becerra de Barrantes, CPI Mosteiro de Meis, IES Sanxenxo (Baltar) e Colexio Abrente.

Á volta o cansanzo xa é notable.

En canto ó pódium un colexio extracomarcal se fixo case que có monopolio exclusivo nas categorías inferiores. Non e outro que o Santiago Apóstol de Arcade. Según me puiden enterar a través de fontes próximas ó colexio; e así corroboran as listas de chegada, dous irmáns do colexio arcadense copan os primeiros postos en diferentes categorías, os irmáns Lago. 

Os máis pequenos tamén desfrutaron dunha mañá de deporte e competición.

Noraboa a todos os participantes e ó colexio Abrente por encher catro lustros de historia do Pombal a través do deporte, porque en parte o colexio enche un oco importante deste barrio que medra paralelo á estrada que comunica Adina con Portonovo.
Esperámosvos aquí na edición XXI da carreira do Salnés o vindeiro ano, e que continue por moitas edicións máis.

Ó remate máis de 10 autobuses agardaban polos corredores.

Texto + Reportaxe fotográfica: elaboración propia.
Máis información en : http://www.colexioabrente.com/